Stjórn
Birta Flókadóttir
Rýmishönnuður / markaðsráðgjafi.
B.Sc. tölvunarfræði / MBA viðskiptafræði.
Birta er náttúrubarn og dýravinur, uppalin í sveit. Hún býr með hestum, kisum og kanínum og vill berjast fyrir aukinni virðingu og bættri framkomu mannfólks við aðrar dýrategundir.
Ein af stofnendum / í stjórn frá upphafi.
Björn M. Sigurjónsson
Lektor við Dania Business Academy í Randers á Jótlandi.
B.Sc. próf frá HÍ, MPhil frá Strathclyde og ML próf frá HR.
Björn ólst upp við sveitastörf í Skagafirði, hestamennsku og almennt húsdýra- og gæludýrahald. Eindreginn andstæðingur dýraníðs en sérstaklega blóðmerahalds, loðdýraeldis og hvaladráps.
Einn af stofnendum / í stjórn frá upphafi.
Rósa Líf Darradóttir
Læknir / M.D.
Rósa hefur ávallt haft áhuga á dýrum, náttúru og vísindum. Hugsjón hennar er að bæta lífsgæði þeirra dýra sem deila með okkur þessari jörð.
Rósa hefur gegnt formannshlutverki síðastliðin tvö ár, verið talsmaður félagsins og leitt herferðir. Hún hefur unnið markvisst að því að vekja athygli á dýravelferðarmálum í opinberri umræðu, meðal annars með fræðslu, greinaskrifum, fyrirlestrum, fjölmiðlum og samfélagsmiðlum. Hún leggur áherslu á málefnalega umræðu og að byggja upp öflugt og áhrifaríkt starf í þágu dýra.
Ein af stofnendum / í stjórn frá upphafi.
Atli Sævar Guðmundsson
Tónlistarmaður & tölvunarfræðingur.
Atli hefur lengi verið málsvari dýra um víðan völl, eða síðan hann uppgötvaði grimmdina sem felst í dýraafurðaiðnaðinum og gerðist vegan árið 2006. Atli hefur sérstakan áhuga á að verja réttindi og bæta velferð dýra þar sem mest liggur við, í dýraafurðaframleiðslu matvæla.
Í stjórn frá 2025.
Andrés Ingi Jónsson
Stjórnmálafræðingur og fyrrum Alþingismaður.
Andrés hefur töluverða reynslu af vettvangi stjórnmála, þar sem hann sat á Alþingi í átta ár og beitti sér þar ítrekað fyrir málefnum mannréttinda, umhverfisverndar og dýravelferðar. Baráttan fyrir bættum aðbúnaði dýra og aukinni virðingu fyrir réttindum þeirra skiptir hann miklu máli og langar hann að leggja sitt af mörkum til þess að Samtök um dýravelferð haldi áfram að vaxa og styrkjast í baráttunni fyrir því að réttindi dýra séu virt.
Í stjórn frá 2026.